TRIO VENEZOLANO CU A TRECE GRUPO DI ILEGAL Y DOS A HOGA DILANTI HUES


ORANJESTAD (AAN) – Un trio Venezolano a presenta ayera mainta dilanti Hues. Tur tres ta wordo sospecha cu riba 20 di October 2018 a trece un grupo di 6 Venezolano den boto. Na Santana di Cacho nan mester a bula na awa y dos a hoga.

Ta trata aki di e hombernan Venezolano A.C., J.C. y A.L. 

DOS PERSONA A HOGA

Fiscal ta acusa nan di traficacion di 6 hende riba 20 October 2018 abordo di e boto Rosalinda I. Fiscal a bisa cu e trio a bin cu e grupo na altura di Santana di Cacho y e grupo mester a bula na awa sin “life vest”. Esey a causa cu dos persona W.J.Vilela Marrufo y J.S.Perozo Bracho a fayece.

Fiscal a cuestiona e hecho cu e boto no tabatin radio y tampoco “life vest”. 

CASO POSPONI

Fiscal a bisa cu e caso ta pro forma. Fiscal a propone 7 Juni 2019 pa 9’or di mainta. Fiscal a bisa Hues cu A.L. ta desmenti mientras cu J.C. parcial ta admiti. Abogado mr. Mohamed cu ta representa un di nan a bay di acuerdo. E otro abogado no a presenta. Hues a pospone e caso pa dia 7 Juni 2019 pa 9’or di mainta.

  Read more

ANA MARIE KERPENS-CROES


“Laga mi biba pa semper den Bo kas y scond’e bou di bo alanan,
B’a duna mi e tera cu ta toca esnan cu ta honra Bo. ”
– Salmo 61: 4-5

Cu inmenso tristesa den nos curason, pero conforme cu boluntad
di Dios y agradecido pa tur loke el a haci y significa pa nos, nos ta
particpa fayecimento di:

Ana Marie Kerpens-Croes

*25-03-1946   †13-02-2019

Na nomber di su:
Esposo: Andre James Kerpens
Yiunan: Soraida Kerpens, Susan y Gilbert Kelly-Kerpens,
Madelin Kerpens y Percy Janga
Manera yiu: Pablo “Rigo” Paesch y famia, Jonathan Abma y
famia
Nieta y nietonan: Sohaily Kerpens, Susjaira Kerpens, Xioanthy
Janga, Axianthy Janga, Giliandra Kelly, Natanael kelly, Noemi
Kelly, Rensley Janga yAnna-Belle Gonzalez.
Bisa nieta: Elisah Cado
Rumannan: 1′ Graciela Gomes-Croes, 1′ Maria Croes, Luciana
Croes
Su unico subrina: Magaly y Roland Bernardino-Croes famia
Swa y Cufianan: Juanita Kerpens-Diogo y famia, Felicia “Vera”
Rasmijn-Kerpens y famia, Willem “Wim” kerpens y famia
Ihanan: Julieta van der Biezen y famia, Vale Hart y famia, Daila
Antersijn-Shonherr y famia, Wendy Henriquez y famia
Rumannan den Cristo di gruponan di Oracion “Hesus Cristo ta
Sefior” y “Bankete di Dios suAmor”.

Sobrino y sobrinanan, primo y primanan, comery compernan, bon
bisafianan, amigo y conocirnan y demas famia: Kerpens, Croes,
Kelly, Janga, Gonzalez, Stamper, Paesch, Abma, Larez, Harms,
Shonher, Perez, Jacobs, Winterdal, Winklaar, Maduro, Hart,
Thijzen, Boekhoudt, Curiel, Geerman, Werleman, Koolman,
Rasmijn, Diogo, Campbell, De Cuba, Wouters, Soliana,
Henriquez, Kock, Angela, Cornet, Boezem, Quant, Halman y
Pifia.

Oportunidad pa condolencia ta na cas di 7 or‘ pa 9 or‘ di anochi.
Ta invita tur amigo y conocir pa asisti na e acto di entiero cual lo
tuma lugar diamars 19 di februari 2019, di 1 or‘ pa 4 or‘ di atardi,
saliendo for di Misa Cristo Rey, Brasil pa santana catolico na
Savaneta.
Despensa si nos tristesa nos por a lubida algun famia y conocir.

  Read more

MINISTER PRESIDENTE:  GOBIERNO LO HACI TUR ESFUERZO POSIBLE PA EVITA CU TRAHADORNAN LOCAL PERDE TRABAO


“Citgo tin un obligacion cu e trahadornan y mester cumpli cune”

ORANJESTAD (AAN) – Minister Presidente mr. Evelyn Wever-Croes a duna un declaracion Diabierna 15 di Februari ultimo, tocante e situacion na Venezuela.

E dignatario a expresa cu e situacion na Venezuela ta sigui tenso y confuso. Aruba ta sigui e situacion di cerca hunto cu Marina Real y den coordinacion cu Corsow y Bonaire, pa nos pais ta prepara di e mihor manera posible.

Prome Minister a elabora tambe tocante e Refineria Citgo Aruba. Diahuebs ultimo, ehecutivonan di Citgo y di e refineria a reuni, y Citgo a anuncia cu debi na e sancion cu Merca a pone riba Venezuela, nan mester a retira varios trahador riba termino corto.

“Mas cu claro Gobierno no ta acepta esaki sin mas. Citgo tin un obligacion cu e trahadornan y mester cumpli cune. Gobierno lo no coopera cu e retironan aki. Nos gobierno mesora a tuma contacto cu e ehecutivonan nobo di e refineria pa evita e retironan aki mas tanto cu ta posible. Lamentablemente nos no tin tur cos den nos man, debi na e situacion tenso y confuso cu tin na Venezuela.

“Sinembargo, nos lo sigui haci tur esfuerzo posible pa evita cu e trahadornan local perde trabao. Y si nan perde trabao mes, atravez di instancianan gubernamental, cu lo intermedia pa nan haya trabao pa nan haya trabao cu prioridad.

“ E refineria ta strategico tanto pa nos na Aruba como pa Venezuela. Pero e circumstancianan ta complica, meymey di desaroyonan geopolitico, interesnan di varios otro pais. Nos meta ta pa mantene e continuacion di e refineria y henter nos Gabinete ta envolvi den esaki.

“Nos a bise den pasado y nos ta ripiti. Hasta si tin 1% so di posibilidad pa habri e refineria nos lo lucha pa logra habri e refineria.

“ Mester bisa si, cu locual nos ta bibando awo cu e refineria no ta nada cu nos no tabata sa for di principio cu nos a drenta gobernacion. Gobierno anterior, lamentablemente, envez di negocia cu interes di Aruba den mente, a negocia cu otro interesnan den mente. Nan a asocia cu hendenan dudoso. Nan a envolve nan mes den practicanan dudoso. Aruba lo carga e fama di tabata habri pa hendenan manera Carvajal y Rincon.

“ Y con caro esaki a y lo costa nos? Ainda nos mester haya sa. Y awe nos ta sinta cu e consecuencianan. Un acuerdo firma cu tin un pilar economico practicamente cera como rehen,  den cual no a tene cuenta cu e interes di Aruba, sino cu interes di algun individuo, y un refineria cu no a habri ainda. Pesey desde principio di nos gobernacion, nos a duna e problematica aki hopi atencion. Nos a reuni cu ehecutivonan di Citgo den varios occasion e aña cu a pasa, desde Januari.

“Nos tur ta corda con Citgo a bin pa anuncia e slow down y cu tambe lo retira varios trahador. Nos a reuni tambe cu e Minister di Energia Venezolano, señor Quevedo. Loke a tuma lugar na Augustus. No a bay Washington na mas cu un ocasion pa reuni a atende e tema aki cu Departamento di Estado, y purba reuni cu OFAC pa cu e sancionnan. Sinembargo, sin resultado positivo te ainda. Y esaki no debi na nos na Aruba, sino debi na e partner inconfiable cu nos tin den e contrato. E partner cu gobierno anterior a informa nos cu tabata confiable, y cu supuestamente hasta Hulanda a aproba, y awor a resulta cu esey no tabata berdad. Sinembargo, ban enfoca riba e posibilidadnan nos dilanti.

“Tin un cambio na horizonte, awor cu a cambia e dirigentenan na Houston manera a keda anuncia e siman aki. Pasobra tin un chens du Gobierno Mericano tin mas confianza den nan y cu lo por logra lanta e sancionnan ta afecta Aruba tambe. Nos a pone e contactonan caba, nos ta haciendo tur esfuerzo pa e sancionnan wordo lanta y asina haya un partner serio pa rehabilita e refinenria.

“Manera mi a bisa, e problemanan cu e refineria no a cuminza awor. E situacion no ta nobo. Nos a pasa aden caba, y mescos cu e biahanan den pasado, nos lo no sinta man cruza. Nos a lucha su surpasa e desafionan y nos lo haci mesun cos y mi tin confianza cu nos lo surpasa e desafionan atrobe. Mientras tanto, pa loke ta e situacion na Venezuela mes, Corsow ta preparando pa fungi como un tipo di hub pa ayudo humanitario na Venezuela.  Y mi ta bolbe enfatiza cu ni Aruba ni Reino lo no ta envolvi den accionnan militar.

“Mi ta haci un apelacion na tur hende pa keda trankil y ban sigui den oracion pa Venezuela tin un pronto resolucion”, Prome Minister mr. Evelyn Wever-Croes a conclui. Read more

JOYCE PEREIRA A PRESENTA E BUKI DI SU TESIS DI DOCTORADO DEN IDIOMA PAPIAMENTO


ORANJESTAD (AAN) – dr. Joyce Pereira a haci presentacion den Biblioteca Nacional di su Tesis “Valoracion di Papiamento den Sociedad y Enseñanza Arubiano, den perspectiva historico contemporaneo y futuro”.

E tesis aki ta producto di un investigacion cu dr. Joyce Pereira a realiza mientras e tabata studiante pa su doctorado na Universidad di Corsow.

Den su presentacion el a expresa cu e tema ta Papiamento, nos idioma crioyo cu a desaroya pa motibo di colonialismo y esclavitud y cu apesar, of danki, na tur e obstruccionnan cu el a topa na su caminda, a consolida su lugar den comunidad.

Pereira a indica cu awor, poco poco, pero sigur Papiamento ta haya su posicion den enseñanza.

E buki aki ta na Ingles, y dr. Joyce Pereira a expresa cu esaki por sona masha contradictorio, cu e ta trata un tema na Papiamento na Idioma Ingles, pero e peticion tabata pa skirbie na Ingles, pa e mensahe por yega mas leu posible den e mundo cientifico y di enseñanza.

E dama a subraya cu e tema aki no ta importante y interesante pa Aruba so, pero hopi pais y hopi pueblo cu a pasa den mesun situacion y kizas locual el a skirbi como resultado di e investigacion por ta util pa otro pueblonan, pa otro paisnan tambe.

Joyce Pereira a bisa cu e Ingles cu el a uza no ta dificil pa compronde y ademas den e parti patras di e buki tin un resumen na Ingles, Papiamento, Hulandes y Spaño.

Tambe el a indica cu e estudio socio-linguistico aki ta investiga a base di cuater pregunta nucleo di maneho di idioma den transcurso di tempo, y e actitud di idioma cu ta resultado di e manehonan ey.

Ademas lo propone un modelo di maneho di Idioma, cu tin e realidad linguistico di Aruba como punto di salida.

Pereira a comenta cu den e introduccion, capitulo 1 di e disertacion e ta splica locual e sa di Papiamento como idioma crioyo; e teorianan tras di e investigacion aki, e contexto socio-linguistico, e diseño di e investigacion, e preguntanan y forma di investigacion, y e linea grandi di e investigacion aki y kico por spera di cada capitulo.

El a haci un remarca chikito. Esaki ta cu normalmente e escritor no ta reacciona riba un reseña pero e biaha aki si el a hacie.

“Contrario na loke a sali siman pasa den Ñapa, mi no a bin cu ningun teoria nobo riba origen di Papiamento ni ami no a tuma ningun posicion tampoco pasobra esey no tabata topico di mi investigacion. Loke mi a haci den e introduccion ta netamente menciona e teorianan ey, y bisa loke nan tin en comun. Esey ta tur. Den e reseña a sali manera mi a bin cu yen di teoria nobo, pero esey no ta berdad”, dr. Joyce Pereira a aclarea.

E puntonan di investigacion cu e escritor a menciona ta:

Con a posesiona Papiamento historicamente, relaciona cu enseñanza na Aruba?

Cual tabata e actitudnan dominante den comunidad Arubiano, encuanto Papiamento, en particular relaciona cu enseñanza formal, y con esaki a cambia den curso di tempo?

Con e maestronan ta balora e papel di Papiamento den enseñanza na Aruba, y naturalmente tambe, con e mayornan ta balora e papel di Papiamento den enseñanza, na Aruba?

E ultimo aki, dr. Pereira a señala, tabata un investigacion masha sorprendente mes. Pa e contestanan riba e preguntanan aki, el a haci diferente tipo di investigacion.

Pa e aspectonan historico di Papiamento, den comunidad y den enseñanza, el a studia documento tocante e historia y enseñanza, den archivo di, entre otro, Biblioteca Nacional, cu tin masha hopi material. E relato aki ta den capitulo 2.

Pa studia e actitud di comunidad relaciona cu Papiamento y idioma en general, el a haci uso di documento di, entre otro, UNESCO, CBS, Departamento di Enseñanza, y di cantidad di linguista, cu a skirbi riba e tereno aki, nacional y internacionalmente.

Pa haya dato estadistico, el a tene dos encuesta bao di maestro (Capitulo 4), un encuesta bao di mayor cu tin yiu na scol basico (Capitulo 5), y cu un grupo masha chikito di maestro, el a realiza un evaluacion di grupo di enfoke (Capitulo 4).

Por ultimo, e ta describi den Capitulo 6 e perspectivanan di Papiamento den e comunidad Arubiano, di enseñanza contemporaneo. E ta repasa cada pregunta y ta duna un bista di e resultadonan. Read more

RONNY MICHAEL GARCIA


“Senor ta mi wardador, mi n’tin falta di nada; Den cunucu di yerba berde, E ta
ponemi sosega. E ta hibami na awa tranquil, pa mi bolbe hanja forsa. Salmo
23:1,2, 3.

Cu inmenso dolor na nos curason, pero conforme cu boluntad di Dios nos ta
anuncia fayecimento di:

Ronny Michael Garcia
Carñosamente yama: “Michael of Garci”
*01-06-1963    †14-02-2019

Na nomber di su:
Mama: Sra. Vda. Olivia Garcia-Angela
Yiu Stima: Vashti Garcia y Dion Geerman
Esposa: Miozotis Garcia-Gomez
Nietonan Stima: Jeayonsley Quandt, Jeaqionne Quandt, Jeayrick Quandt

Rumannan: Frank Garcia, Rudy Garcia y famia, Angelo Tromp y famia

Manera yiu: Francois Robles de Medina, Nathaniel Robles de Medina,
Miozenny Richardson

Manera Nieto(a): Richella Robles de Medina, Franklin Robles de Medina

Subrina(o)nan: Farahce Garcia na Curacao, Sherderic Garcia y Lili
Albertsz na Hulanda, Yadirah Garcia y yiunan na Hulanda, Angel-Lee,
Nixon, Cy-elle, Jozuel, Sharyon, J-Zyon Tromp
Tanta y omonan na Aruba, Hulanda, St.Vincent y Venezuela
Primo y primanan naAruba, Hulanda, St. Vincent y Venezuela
Swa y cunanan, suegra y suegro

Demas famia y conocir nan, tur su coleganan di Fofoti Tours and Transfer.

Demas famianan:
Garcia, Angela, Gomez, Quandt, Medford, Kock,
Winterdaal, Schwengle, Spellen, Sutherland, Krozendijk, de Kort, v/d
Linden, Maduro, Geerman, Wever, Daryanani, Albertsz, Boekhoudt, Paskel,
Robles de Medina, Croes, Petit, Martina, Thielman, Lopez, Vlaun, de
Freitas, de Cuba, Janga, Boezem,Ahlip, Carolina.

Enbes di flor of krans lo tin un donashon box disponibel pa Edmund Harms
Ta deseo di famia pa bin bisti na color nan alegre.
Si en caso den nos tristeza nos por a lubida algun persona of famia, nos ta
pidi nos mas sincero disculpa.

Acto di entiero ta tuma lugar Diamars 19 Februari 2019 pa 4or di atardi naAd
Patres Funeral Home y despues saliendo pa Santana Central na Sabana
Basora. Nos defunto stima Io ta reposa for di 2or di atardi na Ad Patres.
Adres pa condolencia: Ad Patres Funeral Home, Dialuna 18 Februari 2019
fordi 7:00 pm pa 9:00 pm

Nos ta lamenta cu despues di entiero nos no ta ricibi bishita di condolencia
na cas.

Staff y personal di Ad Patres funeral home ta extende nos mas sincero
condolencia na famia di e fayecido. Read more

SRA. MARIANA CECILIA OLIVE –TROMP


Laga tur loke ta spera mi ta bunita
Laga tur locual cu mi encontra na caminda ta bunita
Laga tur locual cu mi laga atras keda bunita y
Laga esakinan termina den tur buniteza.
Cado Wever.

Cu inmenso tristesa den nos curason pero agradecido pa tur loke nos a comparti cune, nos ta anuncia fayecimento di:

Sra. Mariana Cecilia Olive -Tromp
Mihor conoci como “Nanan”
*08-08-1958 – †11-02-2019

Su Esposo: Luisito (Roy) Olive
Su Yiunan: Vanessa Olive y Kemmorre Edwards
Luimar Olive
Su nieta y nietonan: Amber, Tizane y Arziel
Su rumanan:
Iris y Mario Croes-Tromp
Irena Tromp
Eric Tromp
Anthony y Judella Tromp- La Rosa
Manera yiu: Kevin Cornelie
Manera ruman: Fanchi Kock
Su swa y cuñanan:
Ethelina Lacle y famia
Annie Olive y famia
Mirna y Joseph Ras y famia
Violet Olive
Magda Olive
Elaine Olive y famia
Irene y Donald Geerman y famia
Frank y Nidia Olive Duran
Tanta y Omonan na Hulanda:
†Theresita Kock y famia
Albert y †Tina Zievinger-Tromp
Greta y †Ronald Bremer-Zievinger y famia
Na Aruba: †Violanda y Donald Hose y famia
†Joseph y Rosa Maria Tromp y famia
Sobrinonan:
Iraima Croes y famia (Iha)
Danilo Croes y famia
Dyanne Tromp y famia
Arlene Tromp y famia (Iha)
Jo-sanne Tromp
Vivienne Tromp
Su primo- y primanan
Su bon bisiña- y amigonan:
Eric y Ruby Rafael
Osmar y Wini Lake y famia
Eddy y Chichi Semeleer y famia

Demas famia:
Olive, Tromp, Kock, Zievinger, Wanga, Croes, La Rosa, Hose, Alders, Sanchez, Lacle, Geerman, Gei, Ranes, Pabon, Jacobs, Jimenez, Florencia, Jansen, Bremer, Meints, Maduro, Boekhoudt, Burke, Duran, Ruiz, Baptist, Werleman, Cordero

Ta invita pa acto di entiero cual lo tuma lugar na Misa Fatima na Dakota diasabra 16 di februari 2019 di 9’or pa 11’or di mainta. Despues lo sali pa Santana Catolico na playa.

Disculpa nos si den nos tristesa nos por a lubida algun famia of conocir.

Despues di entiero nos no ta ricibi bishita di condolencia na cas. Read more

MINISTER ROMERO A PIDI CHOFERNAN DI ARUBUS DOCUMENTA NAN PETICIONNAN


Pa duna nan contesta dentro di un siman:

ORANJESTAD (AAN) – Minister di Transporte, Comunicacion y Sector Primario sr. Chris Romero, a yama un conferencia di prensa extraordinario Diabierna atardi, pa elabora riba e situacion di e chofernan di autobus, cu a hiba nan manifesta den oranan di mainta.

E mandatario a menciona cu den oranan di mainta el a atende cu e grupo aki, prome cu nan a bin para dilanti Bestuurskantoor. E chofernan tin algun peticion pa trabaonan cu nan lo desea pa wordo tuma den consideracion di parti di gobierno.

Minister Romero a declara cu e asunto aki no ta di awor sino cu pa hopi aña ta andando, y ta comprendible cu durante añanan nan no a haya e oidonan y nan tin cierto preocupacion cu esaki lo no tuma lugar.

E dignatario a subraya cu un di e puntonan principal cu aworaki a presenta ta e tema di belasting cu mester paga riba number plate. Esaki pa motibo cu tin un aumento di impuesto riba dje.

Tocante esaki e mandatario a indica cu e tabata tin un combersacion cu Minister di Finanzas mr. Xiomara Ruiz-Maduro, pa wak ki solucion por tin pa e asunto aki.

E mandatario ta keda na spera di e contesta pa dentro di un siman e lo por duna contesta riba e chofernan cierto di e preguntanan cu e chofernan tin.

Minister Romero a elabora riba otro pregunta di e chofernan aki, relaciona cu ora e reconstruccion di caminda di ruta Playa San Nicolas y viceversa, tabata tumando lugar, e bushaltenan a wordo elimina pa un of otro motibo, y esaki ta dificulta nan pa haci nan trabao manera mester ta, y nan por haya un boet pa para na un caminda unda no tin bushalte.

Tocante esaki, e mandatario a bisa cu nan ta traha hopi di cerca cu e instancianan concerni, y segun planning e bushaltenan aki lo wordo poni bek den e lugarnan asigna y destina.

Den cooperacion cu Minister Otmar Oduber, ta bay trece alivio den e aspecto aki, mas pronto posible.

E mandatario a indica tambe cu el a pidi e chofernan pa trece nan peticionnan cu nan ta wardando pa añanan, por escrito. Minister Romero a menciona cu el a reuni cu nan varios biaha, pero ta dificil pa reuni cu nan di forma individual. El a pidi nan pone nan puntonan den un solo documento  pa asina por atende cierto aspectonan, cu ta un forma hopi mehor y eficiente.

“Den pasado mi mes a bisa nan tambe pa uni y traha riba e puntonan pa asina mi por atende mihor nan peticionnan den un tempo mas cortico posible” Minister Romero a indica.

E dignatario a expresa cu ta hopi dificil pa tin tur hende contento, y duna cada persona atencion individual. Pa e motibo aki el a pidi e chofernan trece nan puntonan den un solo documento. “Kiermen unilateralmente, trece tur cos documenta, pa asina nos por yega na un solucion satisfactorio pa ambos partido. Mi mes a bisa nan tambe cu dentro di un siman mi lo duna contesta riba cierto di nan peticionnan, pasobra tin di nan sigur cu lo tuma un poco mas tempo, pero semper y cuando den cuadro cu ley ta permiti”, Minister Romero a acentua.

El menciona cu esaki ta e afspraak cu tin aworaki aki riba mesa pa e partidonan y a agrega cu semper e ta mantene su mes na reglanan y den un siman nan lo haya contesta pa e diferente contestanan cu nan a haci, pa esnan cu por, pero semper den cuadro di ley.

 

 

 

  Read more

MESTER BAHA CANTIDAD DI BUS PA SAN NICOLAS ENTRE 8 PA 10 PA POR SOBREBIBI


Sonia Vrolijk cu ta core ruta di San Nicolas:

ORANJESTAD (AAN) – Sonia Vrolijk tambe ta chofer di e ruta di San Nicolas, y den entrevista cu DIARIO, tocante e manifestacion cu e gremio a tene dilanti Bestuurskantoor, diabierna mainta, el a duna tambe su relato.

E tin 31 aña ta core bus y for di dia cu el a cumpra su van te aworaki, nunca el a haya oido tocante kico ta nan dolor y cada aña esaki ta bira peor.

El a expresa cu e ta haya inhusto cu un mama di famia ta sali for di su cas 6 or di mainta y e tin cu keda te 8 or di anochi pasobra no tin trabao.

Hopi hende ta kere cu e servicio di autobus ta gana placa pero e no ta berdad. Nan tin cu keda lucha y sufri, y cada bez nan ta subi e prijs di vergunning. E permiso pa core bus su prijs a subi drasticamente, el a indica y e chofernan no tin placa pa pagu’e.

Pa nan saca nan dia mester traha 12 ora. Si no, nan no ta logra. E tambe ta haya cu pa e ruta di San Nicolas tin demasiado bus. E chofernan di e ruta aki a parti nan trabao den dia y anochi, y ni asina nan ta logra y “nan no ta stop, pero nan ta sigui primi bus pa San Nicolas”, segun e dama a expresa.

El a reitera locual sr. Angela a bisa prome. Na prome lugar, cu gobierno mester kita algun bus di e ruta di San Nicolas, pasobra si no, nan no por sobrebibi. Na di dos lugar, no ta berdad cu nan ta doño di e vergunning; gobierno ta suta nan cu belasting ya un forma inhusto a aumenta prijs di nan number di auto. Na su opinion mester kita entre 8 pa 10 bus di San Nicolas, y laga nan core den un distrito mas grandi manera Noord. Read more

IMPLEMENTACION DI PROTOCOL DETERMINA Y NECESARIO PA FINANZAS PUBLICO SOSTENIBEL


CAft:

ORANJESTAD  (AAN): Diabierna un biaha mas CAft a tene un conferencia di prensa, despues di nan bishita riba nos isla.

Durante e conferencia di prensa presidente di CAft Raymond Gradus a papia riba e hecho cu riba cu riba 22 di November 2018 a keda acorda un protocol entre Aruba y Hulanda pa logra finanzas publico sostenible.

E acuerdo ta cu lo mas rapido posibel lo realisa un surplus di minimo 1% di PIB (GDP) ariba e presupuesto.

Di e forma aki lo reduci na un manera substancial, e quota di debe, cual awor ta cerca di 90% di GDP.

E entradanan inespera pa e proximo añanan mester beneficia e reduccion di e deficit.

Segun Gradus , e saneamento di e finanzas publico mester por logra mediante di un reduccion substancial di gasto publico. E aña 2019 aki Aruba mester reduci e gastonan nominal di personal.

Pesey ta importante pa moderniza e sistema di impuesto den di un manera firme. Esaki tambe lo duna un incentivo pa e economia.

Pa e presupuesto 2019 a keda acorda un deficit di -0,5% di e GDP. Debi na falta di informacion relevante y legalmente prescribi, Caft no por evalua si cu e presupuesto 2019 aproba, Aruba ta riba caminda pa un finanzas publico sostenible.

E calculacionnan di impuesto y e fondo presupuestario temporal pa e plan di crisis social no ta suficientemente hustifica, cu ta haci cu e nivel di realidad di e presupuesto no por keda determina. Tambe ta falta un maneho general di dividendo, cu ta pone cu e ingresonan di e Sector Publico lo ta mas predecible. Den pasado cu demasiado frecuencia a inclui dividendonan halto cu despues a resulta cu no tabata realistico.

Aruba den 2019 a cuminza reforma e sistema di impuesto. Un plan di impuesto integral ainda no ta disponbel. Esey ta haci cu Caft no por determina con realistico e ingresonan di impuesto ta. CAft ta yama e Gobierno pa den forma diligente elabora un plan y indica con pa promove e eficiencia di e administracion di impuesto. Ademas riba otro areanan tambe mester tin eficiencia den e aparato Gubernamental.

CAft ta desea di tin mas bista den e fondonan presupuestario di Aruba. Pa CAft no ta suficientemente cla unda ta gasta e fondonan ey y cua ta e riesgonan di e fondonan pa e presupuesto di Aruba. Pa loke ta e presupuesto di aña 2019, CAft a haya e splicacion di e plan di crisis social provicional di e fondo presupuestario di Aruba insuficiente.

Gradus a indica cu durante e dianan cu CAft tabata na Aruba, a realiza discusionnan cu e Gobernador, e Minister di Finanzas, Asuntonan Economico y di Cultura y cu Conseho di Minister.

Ademas CAft a haci un bishita na Banco Central y Conseho di Accesorio. Diahuebs 14 di Februari ultimo e presidente di CAft, a duna un charla publico bou e titulo “Riba caminda pa un finanzas sostenibel”, den cual el a splica e desaroyo di finanzas publico na Aruba den un perspectiva economico. E charla a keda organiza cu colaboracion di Universidad di Aruba y e presentacion di Powerpoint ta disponibel riba e pagina web di CAft.

 

 

  Read more